Friday, October 27, 2017

سوء الظن: اليوم الخامس من منهج سورة الحجرات



أفكار لحصة النشاط عن سوء الظن:

 هنقول كذا موقف لسوء الظن و نكتب المواقف دي في فلاش كاردز ملونه و نحطها في برطمان…

 و نخلي واحد يسحب موقف و نفهمهوله و يمثله و هيبقي معاه واحد تاني الي هيقول سوء الظن و حسن الظن و هيبقي في دايرتين علي الارض كبار دايرة لسوء الظن و الدايرة التانية لحسن الظن الي فيها ححط نفسي مكان الشخص و اديله اعذار ..

مثلا  صاحبي مش بيتصل بيه بقاله يومين…
 سوء الظن انه مش مهتم بيا
… حسن الظن اكيد وراه حاجه او تعبان فاتصل انا و اسال عنه… 

بابايا مجاش يحضر البطولة بتاعتي . ..سوء الظن…
 زعلان من و بيعقابني او مش ةهتم… 
حسن الظن اكيد في حاجه جامده اخرته عني و ارجع البيت القيه عاملي حافله و جايبلي هدية و هكذا…

 هي الفكرة اني دايما احط نفسي مكان الشخص و احاول اديله اعذار و افهم تفكيره… 

هي كبيرة عليهم شويه بس ممكن نفهمهملهم بواحد مثلا حاطط فوق دماغه بوله فيها حاجات تقيله اوي و شوفه الحاجه دي ممكن تكون ايه… وده البيفكر دايما تفكير وحش فيبقي زعلان و شايف الناس مش مهتميه بيه وزعلانه منه… فده كان دماغه تعبانه مليانه حاجات تقيله . التاني شايل حاجات خفيفة لان تفكيره مرتاح و دايما بيفهم و يقدر الناس و قبل اما يفكر تفكير وحش بيسال الشخص نفسه قصدك ايه و يديله عذره لانه بيحط نفسه مكان الشخص…

 و هي دي فكرة الدايرة الي ممكن اكتب عليها اسم الشخص الي عمل فيا موقف و اقف عليها عشان افكر بدماغه… 

 فكره البوله التقيله والبوله الخفيفه ممكن يتحط حاجه فيها تتقلها مع كروت مكتوب فيها تفكيرى الى بسئ فيه الطن بالناس ...والتانيه الخفيفه كروت فيها حسن الظن والمدرسه تمسك كارت فيه الموقف الاساسى وكل واحد يطلع تفكيره الحسن او السئ حسب البوله الى شيلها


No comments:

Post a Comment